Fimmgangurinn verður í Spretti

Meistaradeild Cintamani í hestaíþróttum heldur áfram á fimmtudaginn en þá verður keppt í fimmgangi. Keppnin fer fram í Samskipahöllinni í Spretti í Kópavogi og hefst hún kl. 19:00.

Við hverjum alla til að mæta og missa ekki af bestu alhliðahestum landsins etja kappi saman. Í fyrra var það Árni Björn Pálsson sem sigraði á Oddi frá Breiðholti í Flóa. Þeir hafa verið í bana stuði og munu eflaust ekkert gefa eftir á fimmtudaginn. Daníel Jónsson og Þór frá Votumýri voru í öðru sæti í fyrra og mæta aftur til leiks í ár. Íslandsmeistarinn Hulda Gústafsdóttir mætir að öllum líkindum á Birki frá Vatni og verður spennandi að sjá hvað þau gera. Ráslistar birtast á morgun en skráning er í fullum gangi.

Miðasala er hafin svo tryggið ykkur miða í tæka tíð en í fyrra seldust miðarnir fljótt upp í verslunum. Miðasala fer fram í Baldvini og Þorvaldi, Ástund og Top Reiter sem og í anddyrinu ef miðar eru eftir.



Fara á forsíðu

FYLGSTU MEÐ!

Bein útsending á stöð 2 sport - Náðu í áskrift hér
Watch all the events online - subscribe here

Áskrift Stöð 2 Sport Netáskrift

styrktaraðilar

Höfundaréttur © 2008 - 2015 | Meistaradeildin í hestaíþróttum | Allur réttur áskilinn.